അകതാരിലെ ഗുരു 

പരിശുദ്ധാത്മാവ്

ഉറ്റസുഹൃത്തും വഴികാട്ടിയും 

ഫാ. ജോമിൻ ജോസഫ്

ഹൃദയത്തിന്റെ അഗാധതയിൽ വസിക്കുന്ന അദ്യശ്യനായ ആചാര്യനെ തിരിച്ചറിഞ്ഞ് അനുഗമിക്കാനുള്ള എളിയ ശ്രമമാണ് ഈ പുസ്തകം. ദൈവസ്നേഹത്തിൻ്റെ നിത്യസാന്നിധ്യമായ പരിശുദ്ധാത്മാവിനെക്കുറിച്ചുള്ള ആഴമേറിയതും ക്രമബദ്ധവുമായ ഒരു ആത്മീയയാത്രയിലേക്ക് "അകതാരിലെ ഗുരു' നിങ്ങളെ ക്ഷണിക്കുന്നു. കേവലം ഭക്തിചിന്തകൾക്കപ്പുറം. വിശുദ്ധ ഗ്രന്ഥത്തിലെ വെളിപാടുകളെയും സഭാപിതാക്കന്മാരുടെ ദർശനങ്ങളെയും പരിശുദ്ധ മാർപാപ്പമാരുടെ പ്രബോധനങ്ങളെയും കോർത്തിണക്കിക്കൊണ്ടാണ് ഈ ഗ്രന്ഥം ഒരുക്കിയിരിക്കുന്നത്. പരിശുദ്ധാത്മാവ് സഭയിലും വ്യക്തിജീവിതത്തിലും നടത്തുന്ന അത്ഭുതകരമായ പരിവർത്തനങ്ങളെ ലളിതമായി വിശകലനം ചെയ്യുന്ന ഈ കൃതി. ആധുനിക ദൈവശാസ്ത്രത്തിന്റെ വെളിച്ചത്തിൽ ആത്മാവിൻ്റെ ദാനങ്ങളെയും ഫലങ്ങളെയും പുനർവായിക്കാൻ വായനക്കാരെ സഹായിക്കുന്നു. ഉള്ളിലെ കപ്പേളയിൽ വസിക്കുന്ന ആ ഗുരുവിനെ കണ്ടെത്താനും. അവിടുത്തെ സ്വരത്തിനു കാതോർക്കാനും. ജീവിതത്തെ അഗ്നിശിഖയാക്കി മാറ്റാനും ഈ പുസ്തകം വഴികാട്ടുന്നു.