ക്രിസ്തീയ വിശ്വാസത്തെ അടുത്തറിയാൻ

ഫാ. മാത്യു ആലുംമൂട്ടിൽ

  പരിശുദ്ധ ബനഡിക്ട് പതിനാറാമൻ മാർപാപ്പ രചിച്ച Introduction to Christianity എന്ന ഗ്രന്ഥത്തിന്റെ സംഗ്രഹമാണ് ഈ പുസ്തക്കം. എല്ലാ ക്രിസ്തീയ വിഭാഗങ്ങളും ദൈവ വിശ്വസത്തിൻ്റെ അടിസ്ഥാനമായി പ്രാർത്ഥിക്കുന്ന വിശ്വാസപ്രമാണം, കർത്താവായ യേശുക്രിസ്തുവിലുള്ള നമ്മുടെ വിശ്വാസം അചഞ്ചലമാണെന്ന് പ്രഖ്യാപിക്കുകയാണ് ചെയ്യുന്നത്. ഈ പുസ്തകം ഏവർക്കും പ്രയോജനപ്പെടുമെന്ന് ഞാൻ കരുതുന്നു.

കർദിനാൾ ബസേലിയോസ് ക്ളീമീസ് കാതോലിക്കാ ബാവ

 റാറ്റ്സിംഗർ എന്ന 20-ാം നൂറ്റാണ്ടിലെ മഹാനായ ദൈവശാസ്ത്രജ്ഞന്റെ സങ്കീർണ്ണമായ ആശയങ്ങളെ എളുപ്പത്തിൽ മനസ്സിലാക്കാവുന്ന രീതിയിൽ ഈ പുനർവായന അവതരിപ്പിച്ചിരിക്കുന്നു. ഈ കൃതി വൈദികർക്കും സന്യസ്തർക്കും അൽമായർക്കും ഒരു പോലെ വെളിച്ചവും ഉൾക്കാഴ്ചയും നൽകട്ടെ എന്ന് ഞാൻ ആശംസിക്കുന്നു.

ഡോ. സാമുവൽ മാർ ഐറേനിയോസ്

ബനഡിക്ട് പതിനാറാമൻ മാർപാപ്പയുടെ ചിന്തകളെയും സഭയുടെ സമ്പന്നമായ വിശ്വാസ പാരമ്പര്യത്തെയും ലളിതമായ ഭാഷയിൽ വായനക്കാരുടെ മുമ്പിൽ വയ്ക്കുവാനുള്ള ഒരു വിനീത ശ്രമമാണ് ഈ ഗ്രന്ഥം നടത്തുന്നത്. പുതിയൊരു ആത്മീയ അന്വേഷണത്തിലേക്ക് വായനക്കാരെ വിളിച്ചു വരു ത്തുകയാണ് ഇതിന്റെ ലക്ഷ്യം.

ഡോ. യൂഹാനോൻ മാർ ക്രിസോസ്റ്റം

ഫാ. മാത്യു ആലുംമൂട്ടിൽ 

“ഇന്ന് നമ്മുടെ ചുറ്റും ആത്മികതയുടെ അന്ധകാരം വ്യാപിക്കുന്നുണ്ട്. അതിനെ വിശ്വാസം എന്ന വാക്കുകൊണ്ടുമാത്രം പ്രതിരോധിക്കാനാവില്ല. അതിനാൽ വിശ്വാസത്തിന്റെ സത്തയും സാരാംശവും എന്തെന്നറിയുക അടിയന്തിരമായ ആവശ്യമാണ്. അതിനാണ് ഈ ഗ്രന്ഥത്തിൽ പരിശ്രമി ക്കുന്നത്". ജോസഫ് കർദ്ദിനാൾ റാറ്റ്സിംഗർ ബനഡിക്ട് XVI മാർപാപ്പയുടെ INTRODUCTION TO CHRISTIANITY എന്ന പ്രാമാണിക ഗ്രന്ഥത്തിൻ്റെ പുനർവായന.