മധുരം

ജീവിതത്തിൽ മധുരം നിറയ്ക്കുന്ന

ചെറുകഥകൾ 

സിബി നെല്ലിക്കൽ

 പ്രായഭേദമെന്യേ എല്ലാവരും താല്പര്യത്തോടെ വീക്ഷിക്കുന്ന ഒരു സാഹിത്യരൂപമാണ് കഥകൾ എന്നുള്ളത്. വായനാശീലം ഒരു അപൂർവ്വ തയായി മാറുന്നു എന്ന ആശങ്കകൾക്കിടയിലും നോവൽ, ഓർമ്മക്കുറിപ്പ്,ആത്മകഥ എന്നീ സാഹിത്യവിഭാഗങ്ങളിൽ മികവ് പുലർത്തുന്നവയ്ക്ക് ഗൗരവക്കാരായ വായനക്കാർക്കിടയിൽ വളരെയധികം സ്വീകാര്യത ലഭിക്കുന്നുണ്ട് എന്നതാണ് വസ്തുത. എന്നാൽ അവയിൽ ഗ്രന്ഥകാരന്മാർ ഉൾക്കൊള്ളിക്കുന്ന ആശയങ്ങളുടെ വിശാലത വായനക്കാരുടെ, പ്രത്യേകിച്ച് കുട്ടികളുടെ ശ്രദ്ധയെ ചിതറിച്ചുകളയുന്നുണ്ട്. ഈ സാഹചര്യത്തിൽ ഒരു കഥ വായിക്കുമ്പോൾ ഓരോരുത്തർക്കും അതിൽനിന്നും നിത്യജിവിതത്തെ പുല്കുന്ന സ്പഷ്ടമായ ഒരു ആശയം ലഭിക്കണമെന്നുള്ള ചിന്തയോടെ തയ്യാറാക്കിയതാണ് 'മധുരം' എന്ന ഈ കഥാസമാഹാരം.