MAHABHARATHAM

മഹാഭാരതത്തിന്റെ അതിബ്യഹത്ത്വം കാരണം ഭാരത സംക്ഷേപകൃതികൾ കുട്ടികളെ മാത്രമല്ല മുതിർന്നവരെയും ആകർഷിച്ചു പോന്നിട്ടുണ്ട് . ഇവിടെ ഈ കൃതി സംക്ഷേപണ ശാഖയിൽ ഏറ്റവും നവമായി വിരിഞ്ഞ കമനീയമായൊരു പുഷ്പമാണ് . സംക്ഷേപണത്തിന്റെ ജീവൻ ത്യാജ്യഗ്രാഹ്യ വിവേചനമാണെന്ന ബോധം ബാലചന്ദ്രനുണ്ട് . ബാലചന്ദ്രന്റെ ഈ സംക്ഷേപണം ഭാരതസന്ദേശത്തെ പ്രോദ്ദീപ്തമാക്കുവാൻ പറ്റിയ ഒരു ഉദ്യമമത , അവസ്ഥാഭേദം കൂടാതെ എല്ലാവർക്കും പ്രയോജനപ്പെടുന്ന ഒരു അന്യാഖ്യാനം ആണ് ഇത് . പ്രസന്നവും ലളിതവുമായ ശൈലിയിൽ എഴുതപ്പെട്ട ഈ ഗദ്യഗ്രന്ഥത്തിൽ എല്ലായിടത്തും മഹാഭാരതത്തിന്റെ ഹ്യദ്സ്പന്ദം പ്രകടമാണ് . ജീവിതത്തിൽ ജയം നേടാൻ പരക്കം പായുന്ന പുതിയ തലമുറ ജയാഖ്യമായ ഇതിഹാസത്തിന്റെ വിനയപൂർവ്വമായ ഈ സംഗ്രഹത്തിലുടെ സഞ്ചരിച്ച് തങ്ങളുടെ അന്വേഷണ ലക്ഷ്യം പ്രാപിക്കട്ടെ