ഏതു വിശ്വാസിയും ഹൃദയംകൊണ്ട് ഇഷ്ടപ്പെടുന്ന പ്രാർത്ഥനയായ ജപ മാലയിലെ ലുത്തിനിയ ലളിതവും സുന്ദരവുമാണെങ്കിലും ആവർത്തനം കൊണ്ട് യാന്ത്രികത കടന്നുകൂടി അർത്ഥവും ഭക്തിയും നഷ്ടപ്പെട്ടേക്കാം. ഈ വിപത്തു മനസ്സിലാക്കി ലുത്തിനിയയുടെ പൊരുളും ഉൾപ്പൊരു ളും കണ്ടെത്തി ജീവിതഗന്ധിയായി എങ്ങനെ ലുത്തിനിയ പ്രാർത്ഥന നടത്താം എന്നുള്ള ഒരന്വേഷണത്തിന്റെ ഫലമാണ് ഈടുറ്റ ഈ മരിയൻ ഗ്രന്ഥം. ഓരോ മരിയൻ വാത്തിനെയും വിശുദ്ധ ഗ്രന്ഥം, സഭാപിതാ ക്കന്മാർ. വിശുദ്ധർ, മറ്റു സഭാപഠനങ്ങൾ എന്നിവയിലൂടെ ആഴമായി നോക്കിക്കണ്ട് ലുത്തിനിയ പ്രാർത്ഥന അർത്ഥവത്താക്കുകയാണ് ഈ ഗ്രന്ഥത്തിന്റെ ഉദ്ദേശം.
